- الرئيسية
- ثقافة
- أدب
“يامصر داوى جراحك” قصيدة بالعامية لارواح شهداء بور سعيد
“يامصر داوى جراحك” قصيدة بالعامية
اهداء من “الساعة 25” لأرواح ضحايا مذبحة بورسعيد
شعر : محمد عبد القوى حسن
* * *
يامصر داوى جراحــــك
نزفت دماكى ف يـــــوم
ضمى بقوة جناحــــك
على شهدا هذا اليـــوم
***
يوم ذكرى استشهادهم
ولدك فى بورسعيد
الحزن خضر مقاتهم
وسكن ف دم الوريد
***
وولدك اللى راحـــــوا
ودفعوا تمن المحبـــــة
سقطوا ماصرخوا ماباحوا
باللى ف قلوب الاحبـــة
رايحين بقوة سماحهـــــم
يشجعوا ف ناديهـــــــم
رجعوا معاهم جراهحـــم
والحزن ساكن واديهــم
***
ياشباب بلادنا الابيـــــة
دى مصر ام البــــلاد
خدوها منى وصيــــة
خليكوا اجمـــــل ولاد
***
خليكوا نسمة ف قلوبها
فرحة أمانى لعيونها
تخضر أشجار دروبها
من بين قراها ومدنها
***
رحمة ونور للى ماتوا
واللى قتلهم يغور
راحوا الحبايب ماعادوا
شباب فى عمر الزهور
***
يارب صبر ذويهم
صبر قلوب الغلابة
اسكن قلوبهم راضيهم
فقرا واخر طيابة
***
فى الذكرى ندعى اليهم
فى الذكرى نحسم امورنا
بالرحمة حادى عليهم
اكبادنا سكنت قبورنا
***
يامصر ياما مآسى
وانت انتصرتى بقوة
والشعب عمرة مانسى
كل اللى برة وجوة
***
عذراً التعليقات مغلقة